【康仔只係痴漢 + 文盲，大家唔使再有幻想】
康仔，係我哋公司嘅Admin，佢其中一個職責係幫新員工影相，用嚟做職員證，不過呢個人相當有可疑，男同事職員證就求求其其，女同事職員證就整20至30分鐘，表面幫人執相，實則自己鑑賞。
今朝康仔又問我速成，但佢今次好精，冇用whatsapp問，佢選擇打內線。
康仔: 喂，文長 (佢係咁讀) 速成點打呀?
我: YK1，SV1
康仔: 冇喎。
我: 乜嘢呀? 係咪牆壁個牆呀?
康仔: 第一個字已經冇啦！(仲躁我)
我: 乜嘢第一個字已經冇呀? 新聞個聞呀?
康仔: 唔係呀，孤寒呀！
我: 咩孤寒呀?
康仔: 文長呀，孤寒呀。
我: ......你係咪講吝嗇?
康仔: 論色?
我: 你試下YR2先
康仔: 係喎，出埋個嗇喎 (仲讀緊"牆")，點讀話? "論色"呀? 喂，唔該。
Search